АҚИҚАТ ОСЫ Ақиқат осы - Сандалап кетті билігің, Қарайған халық шарасыз қалған күй бүгін. Безілдеп жүрген баспана таппай басына, Қалың қазаққа қашан туады үйлі күн? Ақиқат осы - Жемқорлар отыр тойынып, Дініміз барад, тіліміз барад жойылып, Ауыл жақтағы ағайын əбден шаршады, Көрмейді билік, жолдарды жатқан ойылып? Ақиқат осы - Халықтың халі оңбай тұр, Теңгеміз құнсыз, бағаға көңіл толмай тұр. Еңіреп елдің ертеңін ойлап жылаған, Дінмұхамметтей ер ағаларым болмай тұр. Ақиқат осы - Үйлерді салып көрікті, Əкімдерім көп лақтырып жүрген бөрікті, Шетелде оқып, тойынып жүрген ұрпағы, Адам қағуда мас болып айдап көлікті. Ақиқат осы - Шыңғырған шындық жоқ бүгін, Айтысың тозды, ақындар кесті от тілін, Ел мұңын айтпай, əкімін келіп мақтайды, Қалтасын ойлап, қарынның ойлап тоқтығын. ИБРАЕВ АЙЖАРЫҚ ЕРКІНҒАЛИҰЛЫ